Party: HOMEPARTY Christmas

Party: HOMEPARTY Christmas

DJs Redshift, Joker
Partytunes, Charts, Hip Hop, House, Mashup

Was gits bessers als e Homeparty? Eusi Homeparty. S’isch au dini, ihri und sini Homeparty. Nur musch du am Schluss nöd ufruume. Und wills eus sovill Spass macht und immer sovill Lüüt chömed, machemer sie jede Friitig. Einzigis Kriterium isch, du musch mindestens 23gi si und vill gueti Luune mitbringe.

D’Nachbere sind informiert, d’Chüelschränk sind volle, d’Musigalag isch installiert, de N64 staht bereit für e Rundi Mariokart und d Dachterasse hämer wintertauglich gmacht. Mir sind ready und es chan los ga.

Mit de Familie hämer am Heiligabig Wiehnachte gfiiret, hüt machemers mit de Fründe. Und Wiehnachtsliedi tömer au singe. Eis. Last Christmas. That’s it!

Damits mit de Musig keis Chaos git, hämer de Redshift und de Joker organisiert, wo sich drumm kümmere werdet. Sie spillet primär Musig für alli wo alli kennet und alli guet finde. Wenn sie din Lieblingtrack vergässet, däffsch du de natürli gern wünsch. Sofern sie en uf em Laptop hend unds guet passt, spillets en gern.

Falls du zwüschet durre chli Chille möchtsch oder eifach lieber hocksch als stahsch, tömer dir au gern es Sofa reserviere. Eifach churz bi eus melde.

Mir freuet eus uf dich.

WG - Kanzlei


Loungereservationen auf www.kanzlei.ch